【Viu】《第二屆薯茄明星運動會》今日喺將軍澳某商場首播，小薯茄全員現身造勢，逼爆兩層商場。FINALLY之前陷換第一隊長危機，今日Chorus（程人富）回歸，澄清只係放假飛加拿大三個月陪未婚妻。M.I.C王子（朱Mic）笑爆隊長返嚟即變身英文帝王，不斷教隊員simple past tense喎！JPG、Fatman更稱Chorus 回歸後全公司都職業性失聰，有火呀！
嘉盈@FHproduction、東方昇@100毛合體受訪，問到老Best專家Dickson離開100毛，東方昇話有得閒叫對方返嚟「打友誼波」，好似情侶分手一樣掟煲唔掟蓋，笑C！提到嘉盈早前被「鬼王」潘紹聰邀出席喺大富豪搞嘅生日會，嘉盈即沾沾「阿姐廟街大」。雖然場地急促結業，但零失望，仲爆Seed指天花板同Office一樣。
而小薯茄女子組早前無限自肥，阿冰受Anson Lo邀跳《Lemonade》Dance Challenge。麗英就請George@P1X3L拍新歌《命中注定在一起》MV，更借位Kiss添！童童都唔執輸，飛咗澳洲訪問荷里活大片《The Fantastic Four: First Steps》巨星s，想知佢哋有幾開心？入嚟睇片啦！
