【Viu】小薯茄成員程人富同朱Mic今日出席《公司逼我打籃球》記者會，首度開腔回應吳冰細妹吳泳同健身教練偷食一事，富哥同朱Mic話呢排冇返公司，冇見到阿冰，但有問候對方，公司亦有同事睇住佢。富哥坦言阿冰唔需要因此同小薯茄道歉，反而大家會照顧佢，相信情緒冇問題嘅！
講到富哥曾經同涉事健身教練上堂，有冇問候自殺不遂嘅教練呢？富哥同朱Mic都寄語大家畀啲空間當事人，亦唔會多作回應，因為公司聲明已經講晒。
此外，富哥即將結婚，準程太有冇因偷食事件而嚴正警告佢？富哥就話雙方拍拖15年，有一定程度嘅信任，所以冇被警告。
