【Viu】小薯茄今日總動員為主題聯乘茶飲店進行開幕儀式，高Ling透露注資7位數字，之後可以自肥喪飲嘢，又可以有場地搞活動，咁預計幾時可以回本先？
嚟緊仲會有「一日店長」活動，唔知佢哋會使出啲咩美男、美女招？阿冰就話會長駐水吧位；童童笑話會喪鬧fans；麗英預告做蝕本生意，加料回贈fans；FINALLY就話淨係坐喺度出動電眼「攻擊」，但如果要四子唱歌要加錢？
小薯茄8周年活動多籮籮，佢哋聽日會再同fans battle玩遊戲，但講明係絕對唔會放水！所以自嘲玩籃球機渣嘅富哥就叫大家嚟挑佢機！講到打籃球，商台再搞903籃球賽，上屆命中率100%、入過一球紀錄嘅麗英會唔會再玩？會參加打羽毛球賽？自稱曾係羽毛球校隊嘅麗英，平時私下同J哥打開友誼波？
今日見到富哥好似黑咗幾度，佢話早前同麗英去日本拍嘢，究竟佢哋拍咗啲咩？有冇坐定定睇富哥嘅節目《潛在挑戰中》？另外，佢哋中秋佳節去大坑舞火龍發生咗啲咩驚險事？肥蚊突然收皮嚇窒阿冰同童童？即刻去睇足本訪問片啦！
