【viu】「第四十二屆香港電影金像獎」將於後晚（14日）喺尖沙咀文化中心隆重舉行，主席爾冬陞今日率領董事局成員代表，仲有大會網絡平台直播伙伴《小薯茄》主持程人富、童童、朱Mic，以及演出嘉賓Dee@ERROR、麗英、岑珈其、伍詠詩、周漢寧等進行拜神儀式。席間宣布邀請康城金棕櫚獎得主、日本著名導演是枝裕和頒發「最佳電影」大獎。
入行後首次參與金像獎盛事嘅阿Dee，預告屆時會為候選「最佳電影」嘅《毒舌大狀》作引言介紹，佢話又緊張又大壓力！阿Dee更話私心想《毒舌大狀》可以大滿貫，力撐黃子華！麗英指頒獎禮當日做「風紀」，主力提醒現場人士切勿錄影，又笑話等同金像獎「吉祥物」！而佢就撐好姊妹阿冰攞「最佳新演員」，有份參演嘅電影《填詞L》有獎攞！麗英仲有講到同影帝劉青雲拍廣告感受添！
程人富、童童、朱Mic對首次擔任網絡平台主持嗌緊張，事前煲晒所有入圍電影、逐個電影人認樣，做齊功課！程人富話當晚希望同黃子華集郵；朱Mic心儀女神Kay謝安琪，私心想《4拍4家族》攞獎；童童就對一男子頒獎嘉賓心心眼，但呢刻要大賣關子！另外，即刻升呢做人夫嘅富哥，籌備婚禮如何？即刻去片！
