【Viu】「第四十三屆香港電影金像獎」將喺後日（27日）假香港文化中心隆重舉行，金像獎主席爾冬陞率領一眾董事局成員、本屆部份頒獎嘉賓阿Dee@ERROR、Jeffrey魏浚笙、Locker林家熙、謝雅兒；大會網絡平台直播伙伴「小薯茄」主持程人富、童童、肥蚊、J哥進行拜神儀式！
講到今年恢復設立「最佳衣著獎」，爾冬陞話女明星得獎機會大，幽默笑言自己冇諗住爭獎啦！佢指籌備今屆頒獎禮人數超過1,000人，多咗年青一輩參與，所以喺創作、製作上都放手畀佢哋策劃，從中物色接班人選，望主席呢一席位年輕化！今屆嘅「終身成就獎」、「專業精神獎」均各有兩名得主，爾冬陞透露當中選得主程序，如胡楓所講「序」有應得？
阿Dee、Jeffrey、Locker、王丹妮當晚負責頒發「最佳衣著獎」，佢哋又想唔想攞呢個獎？阿Dee會重現《三命》造型？啱啱過生日嘅Jeffrey笑話因發燒再度發育長高，生日當日更發「半燒」添，聽到張繼聰頭都側埋一邊！唔通Jeffrey財多身子弱？咁阿Dee一次過買兩個單位算唔算財多？
嚟緊MIRROR、ERROR、COLLAR、ROVER將會分組走school tour，阿Dee會喺邊一組？呢日見佢喺條頸度黐咗塊膠布，抵死笑話係「咖喱雞」，當真？阿聰屋企新增一位成員，湊夠3個「好」字，笑言重拾湊new born感覺！提起Tyson Yoshi「胸口簽」，佢哋3個又有咩見解？
另外，小薯茄連續兩年任直播伙伴，佢哋笑言都係咁緊張，新join嘅肥蚊、J哥向「前輩」程人富、童童請教咗啲咩？童童負責做廚娘整健康餐？程人富套禮服諗住一雞兩味，結婚重用？佢哋想搵邊個集郵？想知就睇足本訪問啦！
