【Viu】「葵芳」Kay蔡蕙琪、「坤哥」吳業坤合體出活動，搞笑互笠高帽話有支持對方嘅作品，Kay即場獻sing唱《陽光點的歌》，係fans無誤！咁啱坤哥最近以唱cover歌交代新歌面世進度，下次搵埋Kay合唱？
嚟緊Kay連接演兩套舞台劇，直到9月先休息，下月初生日都會喺工作中渡過！而呢日佢更宣布好消息，正式成為Louise王丹妮工作室嘅旗下藝人，唔知Kay有咩工作大計？當Louise變成老闆後，Kay搞笑話想叫佢做媽咪？
同樣有工作室嘅坤哥自嘲未有錢簽人住，7、8月會飛海外開騷，幾時唱返香港先？呢期仲有冇揸巴士？見佢喺Threads度積極問網民打沙排，坤哥話想搵啲運動做，咁佢個沙排look係齋着三角泳褲？
Kay又指會同《夜王》團隊去撐「V姐」Sammi嘅答謝會，私下冇特別向V姐打氣，想畀啲空間對方！佢仲有講到為許志安、「小鮮肉」Jacky Fan擔任MV女主角嘅趣事！另外，Kay有重提之前同男朋友喺街被fans認出一事，直言依家都仲未係好習慣喺鎂光燈之下，但唔抗拒同fans影相嘅，坤哥亦開心share喬裝tips，十個趣呀！即刻去睇足本訪問啦！
