【Viu】Jimmy O. Yang 歐陽萬成今日親臨戲院出席《JIMMY O. YANG 歐陽萬成 FINALLY HOME》首映日特別場謝票，Jimmy透露為咗上映Version剪足6個月，勾起唔少感動回憶，最神奇係由細細個睇《男親女愛》同周潤發嘅電影，估唔到長大後成為子華神同發哥認識嘅人，仲笑言有「剪盡」子華神撐場嘅畫面，希望叨吓衝擊億萬票房嘅《夜王》光咁話！Jimmy坦言想拍港產片，如果《夜王》開續集唔Mind演嫖客，但堅持要收片酬，就算一封利是仔都要，仲話想用呢樣嘢去「利誘」子華神出山再開棟篤笑添！
講到早前澳門騷邀請Jackson Wang、Tyson同尹光做嘉賓，Jimmy就親解原因，仲爆埋光哥英文名都係叫Jackson Wan㗎！
此外，馮德倫、尹光、蔡思貝、翁子光、何爵天等專誠捧場，「葵芳」蔡蕙琪仲高呼要同Jimmy集郵，連自我介紹對白都諗定，唔使「四捨五入」㗎！想知就睇足本訪問啦！
