【Viu】劉俊謙、謝君豪、Louise王丹妮、導演梁樂民今日出席《寒戰 1994》電影發佈會，梁家輝以神秘嘉賓身份現身。客串演「李文彬」嘅家輝哥同演自己年輕版嘅劉謙孖住訪問，家輝哥激讚對方比自己更出色，令佢質疑自己喺兩輯《寒戰》嘅演技，嚇到脊骨都歪埋！劉謙聽到前輩咁講，表示壓力山大，驚到有五十肩添！
10年前家輝哥憑《寒戰》第4度奪金像獎影帝，劉謙演年輕版李文彬又有冇信心？而家輝哥得知劉謙最近寫咗劇本準備做導演，即霸氣話如角色啱，以兩蚊片酬接演，但有一條件喎！
另外導演表示今次靠老闆江志強加持，叫得郁周潤發、古天樂、郭富城等影帝特別演出，當中發哥同城城係舊戰友，古仔就客串演候任特首葉舜廷。同台灣金馬影帝吳慷仁演富豪兩父子嘅謝君豪，超欣賞對手1秒入戲，仲話慷仁堅持以廣東話上陣巧專業。豪哥話唯一難受係每日開工前化3粒鐘假面皮老妝，搞到影響咗演技添！
演黑幫大家姐嘅Louise就話喪多打戲仲學埋揸槍㖭，超過癮，估唔到自己打交咁叻喎！可惜講粗口方面就交晒俾啲細，自己冇發揮。想知咪入嚟睇足本訪問片囉！
