【Viu】電影《寒戰1994》今日總動員出席全球記者會，周潤發、郭富城、梁家輝、劉俊謙、吳彥祖、Lokman楊樂文、Stanley邱士縉、Dee哥何啟華、吳慷仁、謝君豪、王丹妮、魏浚笙等盛裝亮相，熱鬧爆！有發哥就有Do姐做大會主持，發哥一見老best即錫錫面珠仔，巧sweet！Lokman 、Stanley 、Dee哥今次演臥底大叫好玩，大表哥更係功夫擔當添！
發哥喺今輯孖城城、家輝哥都只係特別演出，但佢亦感恩話電影喺10年後依然有人鍾意，感激有一班後輩承傳電影工業。發哥又豪言跑步同拍戲一樣要玩到100歲，此時佢即搞笑「鬧」家輝哥：「你唔好飲咁多酒呀！咁先可以拍多啲戲！」發哥又發揮「講經」本色，將矛頭指向Do姐：「演員係一命二運三風水，你睇Do姐以前係鄭九組好勁，而家瘦到條柴！」口材了得嘅Do姐都俾老友激奀，SLDPK呀！
城城又感慨話希望繼續同發哥、家輝哥合作，話大家似一家人，發哥即叫身旁嘅二人輪流「親一個」。想睇下氣氛擔當有幾好玩？入嚟睇片咪知囉！
