【Viu】Ali李佳芯、胡杏兒、Louise王丹妮、沈月等今晚現身時裝活動。杏兒早前一家5口去馬爾代夫旅行，佢自嘲身形欠佳，所以收埋咗三點式相冇公諸同好。講到老公李乘德日前又被拍到單拖夜蒲，不過今次就較謹慎冇做擁抱者，杏兒表示早知老公行蹤，又覺得好小事，希望大家俾空間。
啱啱喺大馬逗留兩個月拍新劇嘅Ali，笑稱狂食肉骨茶致皮膚敏感。講到早前再於商演上唱歌，Ali沾沾零緊張，仲話已準備好開演唱會添！咁是咪要直接衝擊紅館？早前缺席離巢劇宣傳，間接令收視麻麻？Ali覺得大家鍾意就好，「已經好好，仲想點？」
Louise近日為新戲游擊隊角色剪咗個型爆寸頭，仲得到老公羅孝勇讚似韓仔，係愛呀！Louise又指要拍連場動作戲，更試過嚴重受傷令膝頭爆開，心痛死人咩！「最美星二代」沈月貴氣現身，早前生日嘅佢獲家人、朋友輪住慶祝，佢笑稱禮物方面叫大家折現喎！點解嘅？想知更多就睇訪問片啦！
