【Viu】Sammi鄭秀文、黃子華、謝君豪、王丹妮、廖子妤、何啟華（Dee哥）、楊偉倫（阿卵）、李芯駖、Mandy譚旻萱、麗英同肥腸等今晚出席《夜王》首映禮。Sammi仲即席同Dee哥、阿卵表演新版《星秀傳說》，Dee哥同阿卵嘅Rap功獲天后激讚，阿Mi仲話如果Dee哥真係出Solo歌，啱曲風的話歡迎合唱，Dee哥呢舖Fat Fat喇！子華神就預告年廿九會「帶女」落旺角謝票，仲自爆早排先試過搭地鐵去旺角，沿途冇被認出，皆因自己包到冚，笑指唔想似好友吳鎮宇咁，搭2蚊車險被趕落車喎！子華神同阿Mi又分享那些年落夜總會嘅趣事，講到興起連霑叔嘅秘聞都爆埋出嚟，係咪好想知呢？
至於Dee哥就話有天后加持，好有信心Solo出道，仲搞Gag話Solo歌會拉埋阿卵Rap、Sammi唱，其實自己只係負責填詞，咁Fun得唔得㗎？對於193喺節目中爆「男何女何」台灣唱K趣事，Dee哥又搵到機會發揮演技喇！
此外，芯駖、麗英、Mandy同Fish就預告會以「歡哥」Look現身謝票場，想知咩玩法就睇足本訪問啦！
