【Viu】賀歲片《夜王》鐵定喺大年初一同大家見面拜年！率先搵嚟東日夜總會嘅「歡哥」黃子華、「V姐」Sammi鄭秀文同大家劇透！兩位尖東「巨頭」對上一次同戲就係《失戀急讓》，今次合作開心到飛起！
一係唔合作，一係就去到最盡、最激，佢哋有場「激情」戲，子華神激罕晒肌，佢抵死自嘲似係「阿叔行沙灘」咁款，會唔會太好笑？Sammi亦特別為角色調整造型、聲線、動態，又表示認同子華神所講狂爆粗、狂食煙，好彩冇煙癮發作！
講到V姐同班囡囡有專登去夜總會觀摩，Sammi又有咩感受？子華神自爆細個跟過爸爸去中國城，嗰次嘅體驗如何？當年嘅夜總會同依家嘅夜總會有咩分別？佢哋戲中最難忘嘅場口係邊場？而子華神今次仲同楊偉倫鬥戲大放笑彈，當中又有咩笑料？先睇訪問片！
