【Viu】鄭秀文x張敬軒嘅拉闊騷今晚超額完成，二人事後受訪都謙稱好緊張，Sammi話心跳每分鐘百幾二百下，真咩?！Sammi又笑稱下次再做拉闊希望唔好再等24年，否則牙都甩晒！軒公就大讚Sammi喪跳好輕鬆，自己就似追巴士，爭啲冇呼吸添！
全晚二人放題式擁抱，Sammi認熱情希望唔好嚇親軒公。講到佢唱《芝加哥的故事》嗰Part時以超短皮褲亮相巧Sexy，軒公大嗌好正，更「乸」高條褲露飛毛腿，表示自己唔方便着，仲話試過着長Boot被拉鍊夾親毛毛，Sammi即諗錯方向，究竟軒公邊度最突出？
二人更透露最期待嘅係宵夜環節，軒公話開罐冰凍可樂已巧滿足，Sammi就話要食薯片，兼Order咗老公許志安買原隻燒鵝俾佢隊，喂呀小編都餓了！想睇佢哋幾有火花，歡迎入嚟睇訪問片！
