【Viu】今年賀歲片《夜王》噚晚就玩大佢，Sammi鄭秀文孖導演吳煒倫就帶埋Fish廖子妤、阿卵楊偉倫、Dee哥何啟華、Renci楊偲泳、譚旻萱、李芯駖、林熙彤、麗英@小薯茄等突襲夜場，全場即刻尖叫連連，氣氛High到爆！
未等《夜王》團隊現身，DJ已經用Sammi經典快歌《煞科》、《叮噹》炒熱全場，點知天后本尊竟然毫無預警下現身！Sammi興奮表示：「好開心呀！今晚最開心就係可以同導演、演員一齊玩！見到大家咁high，聽住自己嘅歌，真係好興奮又感動！」阿Dee都忍唔住爆笑：「Sammi一出場，全場升溫得咁快，我即刻出汗！人生唔多，可以叫到Sammi一齊炸個場！」阿卵亦大呼刺激：「我平時多數去圖書館，未試過咁hyper，頭先真係好high，可以同Sammi一齊同台yo，好緊張呀！」
芯駖感受到咩叫真正驚喜：「啲觀眾睇到Sammi出現，好似唔信係現實，喊住叫Sammi！全場好close，用自己語言去party，好開心！」麗英第一次嚟夜場都話：「而家隻耳仔仲有Sammi《星秀傳說》嗰把聲，因為大家都喺度狂叫Sammi！」想一齊High，仲唔入嚟實況片！
