【Viu】《全民造星VI總決賽》圓滿結束，導師Gin Lee、梁祖堯、主持強尼同上屆冠軍Lyman賽後表示貼中三甲人選，只係次序唔一樣，但唔覺得Teller係爆冷，反而係代表Under Dog都有出頭天，阿祖仲爆Teller同Jacky Fan一度想退賽，好彩最後有堅持咋！而評判之一孝淵就大讚Teller奪冠實至名歸，覺得佢嘅表演好震撼咁話，有眼光喎！
至於COLLAR就覺得Teller好Charm，Gao仲話有孖同事賭冠軍，又爆Lyman落重注。講到芯駖同Bosco Kwan跳辣身舞，Sexy程度贏咗Gao同Gordon，佢就親解原來摸Pat一幕係自己要求加㗎，但欣賞Bosco「人細鬼大」Handle得好好！對於有傳公司將組《造星VI》新男團，Winka似乎好雀躍，猛話想合作，Ivy So仲話可以合拍《花樣少年少女》添，有計喎！快啲睇足本訪問，仲有少少現場精華片段呢！
