【Viu】由ViuTV主辦《全民造星VI總決賽》今晚 (4日) 喺澳門舉行，評判古天樂、劉偉強、孝淵、Gigi梁詠琪同ViuTV總經理鍾廣德、導師梁祖堯同Gin Lee，以及11強參賽者盛裝現身紅地氈！日前喺內地缺席謝票傳出身體不適入院嘅古天樂，澄清並冇入醫院，只係有啲感冒，食藥後就冇咩大礙，大家唔使擔心，又笑言其實係返咗秦國幫大王處理政務。《尋秦記》港澳票房已破四千萬，古生直言滿意但冇諗打破紀錄，只希望電影業繼續向好，又直認向華強有投資呢套戲，感激對方幫忙！
至於網友剪輯咗唔同語言嘅《天命最高》，古生都讚有創意，又笑認仲有機會再戰樂壇添，期待呀！講返《造星VI》，古生原來都有睇，仲話啱啱同11強見面覺得感覺幾好，希望可以物色新血！
此外，少女時代成員孝淵大晒廣東話同大家打招呼，仲幫11強Fighting添！快啲睇足本訪問同紅地氈花絮啦！
