【Viu】《全民造星VI》冠軍Teller、亞軍Ian Hannz同季軍Jacky Fan喺賽後興奮受訪，Teller直言可以「復活」入11強已經係超額完成，更加冇諗過奪冠，多謝Fatboy用短時間度合作Item，仲向各位投票嘅網民示愛，So Sweet！Teller笑言要瞓返兩日慶祝，又慶幸自己有車牌可以享用冠軍靚車，仲公開話要辭職全力闖蕩娛樂圈，期待呀！
至於Ian Hannz賽前大熱但只奪亞軍就話唔失望，反而哥哥ANSONBEAN唔太開心，自己認為Teller嘅表演好Charm，實至名歸！而Jacky就話收到偶像張敬軒祝賀，開心到爆，仲笑言雖然因為比賽學識跳舞，但段估自己唔係做男團嘅材料！
此外，賽前大熱嘅Dave同Bosco Kwan都話唔失望，仲自覺交出超越滿分嘅演出，Bosco仲話要摸芯駖Pat Pat超淆底！而Yip Sir就放風撩「項少龍」跳舞，笑爆全場呀！想知更多就睇足本訪問，仲有少少現場精華片段呢！
