【Viu】睽違公仔箱近廿年，影帝張家輝早前再度拍攝劇集《絕命法官》，飾演為保愛子而漸漸黑化嘅「秦官」，仲間接害死咗周漢寧飾演嘅「馬山寶」，角色超有挑戰性，加上對白繞口嘅法庭戲，「張七帝」都被考起呀！
首次飾演法官嘅家輝哥，除咗親自設計角色造型外，仲為劇集唱埋主題曲《因果之灰》，獲網友激讚，之但係家輝哥就話下次咪搞喇，仲推舉古天樂幫自己主演嘅劇集開金口，自己就唱返古生啲劇，嘩，呢啲咪好兄弟囉！
至於首次同家輝哥合作嘅周漢寧，當然獲益良多，仲怕怕醜醜咁話今次演出有向《黑社會》嘅「飛機」一角致敬，咦？咁會唔會食匙羹呢？大家睇落去咪知囉！
想睇家輝哥點樣袋錢落周漢寧個袋，當年喺「永恆亞視」發生過咩趣事？記得睇呢個專訪喇，真係學到好多嘢㗎！
