【Viu】影帝張家輝最新自編自導自演驚慄力作《贖夢》即將上映！呢次搵埋男神「信一」劉俊謙、女神陳法拉一齊鬥戲，就睇吓邊個先係最癲！事隔7年再推出自家作，張家輝絞盡腦汁為新戲宣傳，私下冇social media account嘅佢竟然破天荒以戲中角色「蔡辛強」喺Threads度向網民「求救」點入夢，堅係surprise！
講到發夢啦喎，張家輝就孖劉謙開心share佢哋發過最深刻嘅夢，前者因咩事被老婆關詠荷嗌「7去瞓」？後者有被女朋友蔡思韵「追殺」？佢哋又有冇發過預言夢？
戲中法拉飾演張家輝嘅老婆，破格演出同平時仙女形象有極大反差，張家輝係點說服女神拋下光環？法拉有冇詐型先？張家輝又睇中劉謙啲咩而搵佢做心理醫生？仲專登安排咗場露股戲畀佢？
另外，張家輝呢次更開金口唱埋主題曲，莫非攞過叱咤新人獎嘅佢「口痕」想重出樂壇？再次入錄音室有咩感覺？主題曲有冇國語版？搵埋劉謙合唱？想知就真係要睇呢兩大型男嘅足本訪問啦，聽見佢哋超fun又幽默嘅對答包你笑到肚痛！
