【Viu】劉俊謙今日化身文醫生拖實蔡辛強去戲院為《贖夢》謝票，強哥又忽然「清醒」話感應到導演張家輝有嘢講，解答戲中疑團。
唔少網民都鬧爆文醫生做乜收咗蔡辛強部電話？所以即場還機，但就溫馨提示對方唔好掛住玩脆，費事搞到又撞車。但強哥時癲時唔癲質問觀眾：「成日要見我哋，係咪傻㗎？」
講講吓，就有個全黑打扮，拎埋黑色垃圾袋嘅神秘人入場，仲唱起《失憶週末》，原來係Kelly陳慧琳本尊，不過蔡辛強同文醫生就叫人哋「陳慧敏」，勁衰囉！但Kelly神回：「我係精神病院嘅捕快！」想睇咁精彩嘅畫面，記得入嚟睇現場實況片啦！
