【Viu】「蔡辛強」張家輝今晚率領陳法拉、劉俊謙、袁富華、張松枝、張文傑、許恩怡、朱晨麗等，現身主演電影《贖夢》嘅首映禮！家輝哥更以疑似真空上陣，力撼deep V兼露美背、長腿嘅法拉，相對起嚟包到實一實嘅劉謙，係咪好輸蝕？
法拉呢次專程喺美國返港宣傳，本身都想留多幾日時間喺香港，但一對仔女太痴身，咁就好難handle！笑問家輝哥點解今日唔搵埋蔡辛強嚟首映？點知佢笑言蔡辛強返咗去戲入面，又笑斥蔡辛強廟街擺檔見脆友好cheap添！唔知「Dr. Man」劉謙遲啲會唔會叫埋蔡辛強現身謝票場？
講到蔡辛強同Tyson Yoshi喺Threads度喪互動，家輝哥搞笑扮傻話唔知情，又自稱性格比較孤僻，唔似蔡辛強周圍識朋友！但提到佢同Tyson隻貓「撞樣」，家輝哥就抵死妙回啦！
日前家輝哥笑話有諗過主題曲出國語版，依家嘅進度如何？法拉大爆劉謙跳現代舞好勁，咪可以挑戰跳唱？劉謙係咪堅持要收錢？近日被考古攞過叱咤生力軍嘅家輝哥，又點睇當年嘅自己？
另外，去到訪問後段，家輝哥契爺「修哥」胡楓、羅蘭、連炎輝突入放笑彈！修哥搞笑話未入場就已經覺得好驚，仲爆家輝哥曾經話搵佢同羅蘭姐演出，最後不了了之咗，呢單嘢點兜？想知就快啲睇足本訪問啦！
