【Viu】Kenny關智斌一連兩場《THE ENDLESS ADVENTURE LIVE IN HONG KONG》嘅啟德騷今晚尾場！斌斌繼續晒實的的麒麟臂，噚晚嘅空中Pole Dance跳唱《隱形人》環節，因機件故障局住放棄，今晚就順順利利表演，勁到小編爭啲爆粗啦！
而今晚嘉賓就有巨胸指標Tyson Yoshi，二人合唱《1994》，雖然兩位大隻佬着住衫，但氣氛勁正！Kenny主動要求Tyson除衫：「因為呢Part我包實晒，所以請你上嚟！」但Tyson神回：「我哋呢啲做後輩好分莊閒。」更主動幫Kenny除外套。
呢對Gym Buddy極Fd亂講嘢，Kenny解釋點解請Tyson？程生又爆Seed：「紅隧瀨屎，所以我返嚟！」更表示戴住口罩以為冇人認到卻被認出 ，仲型到裂爆咗兩個字粗口添！而因時間關係，今晚唱唔到《眼紅館》，粉絲唔肯走，Kenny本尊就行出嚟多謝大家，「喺下個演唱會我會更努力回饋俾你哋！I Love You All！」更清唱兩句：「ho...he...ho，哪位當晚吻我說場地冷！」
另外，嚟睇騷嘅嘉賓繼續有經理人Mani霍汶希、大師兄謝霆鋒、VIVA、梁祖堯、洪卓立、李靖筠、曾樂彤等。想睇咁正嘅騷，入嚟睇片啦！
