【Viu】Tyson Yoshi今晚帶埋「斷頸佬」Teddy Fan去澳門join水上party，以灰背心加西褲登場，好似欠咗少少睇頭咁喎！Tyson笑話冇諗過脫㗎，只係水池fans啲水槍射程驚人，佢更特別點名左邊有位男fans喪「顏射」佢，唔知Tyson被男人射濕有咩感受？
佢更話feel到有啲「水」係暖嘅，質疑係wee-wee嚟，認真語出驚人！但早輪都見Tyson成日玩槍㗎，今日佢竟然話玩槍好幼稚，定抑或佢向老婆Christy露「潛水艇」幼稚先？Tyson又話本身自薦堅插水㗎，但最後因為一個原因而打消念頭！身為人夫嘅佢，又敢唔敢直視池中嘅美女s？
提及被獨立歌手ProdiG開名diss，鬧爆係跟風狗、冇家教，甚至斥Tyson寫歌呃fans話係幫癌症小女孩！Tyson坦言自2018年就認識ProdiG，私下見面覺得對方超級有禮貌，但同時都知道ProdiG不時會火遮眼爆seed，念在相識一場諗住唔回應，但覺得ProdiG欠小女孩嘅家人一個道歉！至於有關《Growing Up》嘅創作、被指斷其他artist米路，Tyson又點回應？再見亦時朋友？仲會唔會一齊寫歌？
另外，Tyson直言有留意到「哥哥」軒公近排被網民「狙擊」，佢話都會擔心軒公心情，有主動慰問！而另一老best林家謙喺幾日後就開紅館騷啦，今次佢係咪又做固定嘉賓？諗定「大禮」送家謙？想知就睇足本訪問啦！
