【Viu】「Tiramisu」Tyson Yoshi今日現身鐘錶party，笑話係以客嘅身份出席，做得VIP莫非佢買咗好多隻名錶？有冇買隻畀老婆Christy先？講返佢最近有勁多個花名，最先係「Tamagotchi」，再嚟就係「Tiramisu」，Tyson開心話至少有人講緊佢！而「Tiramisu」嘅來源係「依家香港四大天王」，一同on list嘅仲有姜濤、MC張天賦，淨返一個quota，唔知Tyson會覺得係邊個？同時Tyson叫大家口下留情，佢只係「四大甜品」，事關唔想畀人追殺咁話！
呢期Tyson成日喺gym room撞到Kenny關智斌，大讚Kenny都幾大力，拍得住佢，加上胸肌都唔細，但就沾沾話：「冇我咁大！」兩位有冇機會喺台上battle？Tyson抵死笑話係一個好開始，目標係令到娛樂圈污煙漳氣！佢又不忘抽老best林家謙水，睇穿對方嚟緊會接洗衣珠廣告！另外，見宣萱呢期喺Threads勁活躍，Tyson都蠢蠢欲動想同女神交流，仲好羨慕宣萱登上到熱氣球添！
Stephy鄧麗欣呢晚勁仙，冧豬樣話係掹台籍男朋友衫尾先有得嚟，自己平時都冇乜研究錶嘅！講講吓仲爆埋同男友平時私下AA制嘅相處模式！下星期就係澳門騷啦，Stephy話每日練習，練舞嘅水管都update成鋼管，唔知有咩surprise畀到fans？女神又話男友都會跟去澳門照顧媽咪，仲話媽咪好滿意男友添，未知Stephy又會唔會行「奶奶政策」？中秋節會喺香港定台灣過？
另外，同場仲有唔少星級嘉賓現身，除咗有韓國長腿女神李聖經、內地性感女神鍾楚曦、「國民老公」劉俊謙之外，更有三位泰國男神Bright、Win、Tawan Vichaiwattana；英國知名型男演員Jude Law嘅Model女兒Iris Law；超模「黑珍珠」Naomi Campbell；加拿大超模Winnie Harlow；美國女子體操金牌名將Simone Biles等，現場星光熠熠呀，快啲click入嚟睇足本訪問啦！
