【Viu】Kenny關智斌、Gareth湯令山今日為新城電台活動任表演嘉賓，分別即將喺香港同倫敦開騷嘅兩位，今日收起肌肉，Kenny笑言早排喺運動比賽同楊天宇齊齊騷肌，並唔係派福利，只係祈求「輸人唔輸陣」，頂硬上㗎咋，所以自評身形只得65分。Kenny透露9月嘅啟德騷重點並唔係肌肉，反而係秘密苦練嘅才藝表演，仲不斷呼籲大家買飛入場！講到個唱海報騷胸肌，吸引大批圈中好友留言，AK仲叮囑佢收返埋個八字，Kenny就親解「八字」含意，呢個食字Gag亦相當符合老闆Style喎！
至於Gareth就預告倫敦騷會拉小提琴，仲話去完Tyson嘅意大利婚禮，希望下次同另一半同遊意大利，咦？咁是咪成功追返阿Moon呢？佢就勁Firm咁否認喇，仲話喺澳門騷同台表演係打工仔應有態度！雖然避談感情事，但友情就可以開心Share，Gareth大爆想約姜濤齊齊打拳操Fit，仲分享「姜湯」合唱《用背脊唱情歌》原先場景並唔係打邊爐，想知就睇足本訪問啦！
