【Viu】Tyson Yoshi今日出席自家品牌活動，以超緊身白背心上陣，相當「凸」出，連佢自己都笑指呢招叫「兩點凸色」，認真搞笑！講到欣賞林家謙紅館騷尾場畀老友狂「鞭屍」，Tyson直認「山高皇帝遠」冇還擊之力，又笑家謙受訪時爆自己有老婆「仔女」唔知係有心定無意，所以公開澄清太太Christy尚未有喜，將來有好消息一定通知大家！
Tyson又話睇騷時見到宣萱行過時忍唔住爆粗，覺得係電視機走出嚟嘅人，仲自認係《尋秦記》Fans，最驚訝係對方竟然識唱《Oh Jessica》，不過喺後台時就唔敢對住宣萱唱《天命最高》喇！Tyson又搞Gag自認似「工具人」，上次自己開騷都有請家謙做嘉賓，但畀家謙「用完即棄」，燥燥哋仲爆埋家謙嘅感情狀況，係咪好想知呢？
此外，最近入手人生首部法拉利嘅Tyson，到底因咩事現身大埔？對於阿正笑佢泊車渣又有咩反擊呢？睇足本訪問笑餐飽啦！
