【Viu】林超賢執導嘅新片《蛟龍行動》今晚舉行好友優先場，「老Best影帝」張家輝、任達華、狄龍、廖碧兒同朱晨麗等捧場，林導同家輝哥仲即席報喜，宣佈明年開拍《激戰2》，除咗「賤輝」回歸外，當然唔少得台灣男神彭于晏，原班人馬延續上集故事，期待Max呀！咦？咁家輝哥係咪要Ready操肌呢？佢就即刻「射波」畀彭于晏，仲笑言「賤輝」今次要靠AI變「筋肉人」，係真唔係呀？
既然「來都來了」！不如順便唱埋主題曲啦？家輝哥就拉埋林導齊齊開金口，仲親解為尹光新歌任MV男主角嘅原因，咁有Heart！睇嚟樂壇真係欠家輝哥一個「膠袋」㗎！
此外，華哥都心思思想參與《激戰2》，仲沾沾自認身材不嬲Keep得好，絕對唔使靠AI「打假波」咁話！適逢今晚掛8號風球，想知華哥11點做緊乜？睇足本訪問就知啦！
