【Viu】前日啱啱過50歲生日嘅佘詩曼，呢晚打扮成pink lady現身晚宴，講到好姊妹「七魔女」偷偷北上為佢搞生日party，阿佘話超驚喜，當場更獲得一份特別嘅生日禮物添！見壽星女收到勁多花做禮物，問到當中有冇追求者送嘅？阿佘就一臉冧豬樣回應啦！
阿佘以「Man姐」身份為好友林峯紅館騷拍咗多段「風暴消息」做gimmick，點知演得太逼真，有市民誤信並投訴紅館發放fake news，阿佘話都知道件事，表示唔好意思，驚唔驚之後新劇出街會再有市民投訴？當時拍短片嗰陣有冇爆肚成份？
同場嘅陳家樂早前上網台節目被指溝女「百發百中」，呢日佢笑話係標題嚟嘅啫！又接住解釋自己係有信心、覺得對方都係情投意合先出手，唔知老婆Shiga又難唔難追？係咪一擊即中？家樂初見Shiga就愛上？佢又點回應被老友吳肇軒爆怕老婆？
另外，任達華嘅21歲學霸愛女Ella任晴佳距離畢業仲有一年時間，有傳Ella畢業後就會繼承華哥名下超過30間嘅海內外物業，呢件事到底堅唔堅？華哥有冇以Ella之名買磚頭投資？擁有model身材嘅Ella之後會加入娛樂圈？想知就要睇足本訪問啦！
