【Viu】繼《踏血尋梅》同《正義迴廊》後，導演翁子光再次改編香港奇案，將2010年轟動全城嘅「荃灣15歲少年弒母殺妹」案拍成電影《爸爸》，翁導親解邀請劉青雲同Dylan蘇文濤飾演兩父子嘅因由，全因前者係會去九龍城街巿買雞做節嘅貼地巿民「劉先生」；後者就係百中選一嘅天才演員，仲踢爆「初生之犢」Dylan膽生毛，唔單止夠膽爆肚，仲經常頂撞青雲，有料呀！
年僅18歲嘅Dylan雖然首次演戲，但自有一套理解角色嘅方法，加上哥哥任職精神病治療師，對自己投入角色大有幫助。不過，年紀輕輕就要處理「弒母殺妹」嘅情節，Dylan都坦言好難抽離。想了解更多拍攝《爸爸》嘅箇中辛酸，順便感受吓現實中嘅Dylan幾咁活潑可愛，呢個專訪真係Can’t miss啦！
