【Viu】《第21屆香港亞洲電影節》今日舉行閉幕典禮，閉幕電影《爸爸》導演翁子光、演員劉青雲、谷祖琳、蘇文濤同熊諾頤「一家四口」現身；《女兒的女兒》導演黃熙、演員張艾嘉、林嘉欣同劉奕兒亦齊齊整整出場。青雲大讚小演員蘇文濤同熊諾頤演技自然；小谷亦還原拍攝畀阿仔斬殺一幕投入到耳鳴。講到兩位有激情戲，青雲仲要露股，佢就咁解釋喇！
至於蘇文濤嘅成年版搵嚟Edan演出，青雲激讚兩人超級神似，導演翁子光就親解邀請Edan演出嘅原因，而蘇文濤就cute cute咁讚Edan比自己高大靚仔，又謙稱唔似台灣男神許光漢！
此外，張姐同奕兒分享入圍金馬影后同「最佳女配角」嘅心情同信心，奕兒仲放話希望「六小福」姜濤入場支持，姜Admin收到未呀？
