【Viu】「軒公」張敬軒日前開live同澱粉訴心聲，今日佢就現身時裝盛典，稱有各種嘅事仍然未解決，雖然唔係自己身體問題，就好似貓貓、有親戚進出醫院，係有擔憂，有時甚至會喺屋企尖叫發洩，更自爆呢排瘦咗7、8kg！
隻身來港做嘢超過20年嘅軒公謂會自責，嚟緊都會放多啲時間喺屋企，又指父母會再搬返香港住，所以佢嚟緊都要物色新屋！見有澱粉自發落區為自己拉票，軒公話好不忍心。近日睇到網上評論，發現有fans只留意歌手嘅工作嗰面，感覺似係老細同服務員關係，就覺得好唏噓！
同場「最美星二代」沈月靚靚現身，佢話今晚好期待見好友木村光希，唔知有冇機會gathering！提及佢日前同雪州公主去馬來西亞做義工，沈月就話自己好鍾意小朋友，嚟緊會再做慈善，又透露曾經去過緬甸做義工教書、低調喺雲南起過學校，簡直係人美心善呀！見沈月咁鍾意小朋友，依家有冇對象？幾時會結婚生B？擇偶條件又係咩？即刻睇足本訪問啦！
