【Viu】今晚西九維港旁有場大型時裝活動，雲集各地嘅型男索女，粒粒都係巨星！有「時尚女王始祖」之美稱嘅CL@2NE1壓軸華麗登場，佢hyper話期待兩個星期後同2NE1幾位姊妹嚟香港開騷！CL又講到妹妹喺香港讀大學，話嚟探妹妹嗰陣有一齊出街嘆香港地道美食，所以都好鍾意香港！
日本男神木村拓哉細女Koki木村光希短期內再度襲港，呢晚仙氣現身，喪派心心kawaii呢！佢受訪指呢轉嚟香港有打邊爐、嘆點心、仲有食雞蛋仔添！最sweet係喺訪問尾聲，專登留言畀香港fans！
喺劇集《Emily in Paris》入面飾演Alfie嘅英國演員Lucien Laviscount，稱自己首次嚟香港，對香港嘅食物、環境、人都覺得好正，最想係搭渡海小輪！最後佢仲有劇透劇本之後嘅內容！
同場仲有憑《黑白大廚》爆紅嘅米芝蓮三星主廚安成宰、前少女時代成員Jessica鄭秀妍、奧運自由式滑雪冠軍谷愛凌、泰星Davika Hoorne、范冰冰、英國超級名模Jourdan Dunn、英菲混血名模Georgina Wilson、周秀娜、梁洛施、Gin Lee、林家謙、Tyson Yoshi、洪嘉豪、何超蓮、倪晨曦、AGA等，海量實況靚片可以慢慢loop！
