【Viu】今晚西九有場時裝盛典，MIRROR其中六子姜濤、Anson Lo、Ian、Edan、AK、Lokman型爆登場！對於床哥@JFYT噚晚再開live回應「抽水風波」，Edan揚言知床哥會再開live回應，所以都有留意，佢重申自己嘅立場係大事化小、息事寧人，唔好再挑起紛爭！
Edan又講到噚日喺活動上嘅回應係已作出最大善意，畀大家一個落台階，惟睇完live兼見床哥喺IG名後面加「（有品）」，就發覺雙方嘅立場明顯不一，係有少少可惜，不過Edan指會繼續尊重對方，會接受開玩笑係冇惡意，但的確係有造成影響，故希望件事能停止再發酵、告一段落！佢另以「話花姐好肥」做講笑例子，帶出點樣拿捏講笑、如果花姐feel bad佢都會講聲唔好意思，問到床哥有冇講唔好意思？Edan則稱冇。
而床哥噚晚喺Iive入面有以「師兄」暗指姜濤，未有了解成件事嘅來龍去脈，姜濤指有睇到live，覺需要發聲嘅事都會發聲，因為要保護隊友，呢件事令佢更了解同兄弟之間嘅所有事情！最後姜濤指若留言「冇品」令床哥覺得佢係冇禮，佢願意道歉！
另外，Lokman爸爸楊志英將以香港跆拳道代表成員參加跆拳道世錦賽，唔知Lokman到時會唔會現身support爸爸？變身小fans舉應援物？即刻去睇足本訪問！
