【Viu】Marf@COLLAR今日抱病出席活動，佢指因近期天氣起伏得太緊要，所以全員都分別有人病咗！同時Marf自爆傷及頸、脊椎，佢解釋係意外，睇完醫生愈搞愈傷，依家似係嚴重嘅瞓捩頸，更報平安指有再睇唔同嘅神醫，正康復中大家唔使擔心！Marf又笑話有自行放血，仲會以男友Locker做實驗工具，遲吓仲想學埋針灸添，莫非邱醫師想考牌？
Marf又為被指缺席《寄了一整個春天》謝票場回應，解釋唔想病住戴口罩同Muffin影相，覺得好內疚，揚言會再補償畀Muffin，包括之後會再現身謝票場！惟講到電影依家淨返好少場次，Marf直指仲未見到結果，大家繼續集氣！
聖誕將至，唔知Marf又會唔會同COLLAR交換禮物？估唔到佢勁誠實咁答唔會，唔想收到代號「抬米上山」、「執笠倉」嘅成員準備嘅聖誕禮物，大家可以估吓係邊個啦！另外，講到「消防員」Locker喺試當真《黑白大廚現場版》四周年直播用水救火，Marf大笑話對Locker呢個行為唔Surprise，唔知Marf有冇試過大廚Locker嘅手勢？足本訪問片開估！
