【Viu】周興哲一連兩場紅館個唱已圓滿結束，頭場Eric盡曬靚聲之餘，仲除衫騷肌曬練大隻成果，出場獻唱《That’s All》、《說太多》及《Nobody But Me》，全場掌聲！第二場請來MC張天賦任嘉賓，MC事隔一個月重返紅館舞台，誰知出場嗰陣升降機出現故障，最後MC要跑上台同Eric合唱《摯友》，但全場氣氛依然咁high！
講番佢哋呢晚嘅藍、白look襯到絕，MC仲食咗誠實豆沙包自爆有塞鞋墊偷雞「增高」，係零偶包表現！話晒係首次見面，雙方都出盡奶力互讚靚仔，又搞笑喺台上面閒話家常、互問興趣，MC聽到Eric話鍾意寫歌，就勁醒目打蛇隨棍上邀歌！
