【Viu】一連兩場《Odyssey 旅程》巡迴演唱會香港站順利舉行，Eric周興哲完騷後keep住high爆受訪，話今次開騷係同「小興星」最近嘅一次，所以順便嚟個握手會冧fans。Eric又出力大讚尾場「小興星」嘅大合唱表現，係佢開騷以嚟氣氛最好、最有成就感嘅一次，認真高度評價喎！
相反Eric派肌福利好似就少咗啲，佢笑話啱啱好就夠，或者留待明年再開演唱會先嚟大解放，目標開5場，同時亦會練定廣東歌咁話！至於講到兩晚嘉賓G.E.M.、MC張天賦，Eric同前者首次Live唱《別勉強》、欣賞後者歌唱實力，仲篤爆被MC邀歌，但暫時排第一位係天后蔡依林，睇嚟MC要耐心等等啦！另外，Eric冧爆透露未婚妻有捧足兩場演唱會，仲有個surprise就係哥哥突然上台做送水員兼幫手整理服裝，佢抵死笑哥哥驚到全身震晒！
