【Viu】Eric周興哲同Jay Fung馮允謙今日出席品牌活動，Eric透露此行係嚟香港舉行粉絲見面會，仲準備咗好多驚喜畀香港Fans。將於2月底開紅館騷嘅Eric，預告會除衫騷肌，所以目前積極操練，加上新年食肥咗2kg，要加倍努力做Gym，仲預告會請香港歌手做嘉賓添呀！
緊接喺3月開紅館嘅Jay Fung，早前忙裏偷閒返加拿大探親，仲可以親親最愛嘅雪景，玩到樂而忘返呀，公司都追佢交歌喇！Jay笑指已經幫女朋友買機票回港睇騷，家人都會返嚟捧場，咁會唔會學Eric咁騷肌呢？佢笑言Eric除的話，自己就唔好班門弄斧喇，以免比較！
