【Viu】周興哲噚晚喺紅館舉行《Odyssey旅程》巡唱香港站頭場，呢位台灣「情歌王子」 選擇以快歌打頭陣，《That’s All》、《說太多》、《Nobody But Me》，唱第二首仲急不及待除衫派福利，完美演繹咩叫脹卜卜嘅胸肌。Eric全晚喪晒靚聲，觀眾亦多次開手機燈伴唱，形成靚爆燈海。仲用廣東話同大家講：「我好掛住你哋！」之後仲發起叫全場觀眾玩人浪，氣氛勁好。
而當晚Eric仲請到G.E.M.做嘉賓，佢哋更首次同台唱出4年前推出嘅合唱歌《別勉強》，之後G.E.M.仲用廣東話教Eric唱Eason嘅《明年今日》，但就將改詞改成「明年今日，一定會再回來 ，紅館中等你」認真搞笑！
