【Viu】 出道短短兩年時間嘅MC 張天賦，啱啱宣布明年一月進軍紅館，連開三場處男個唱，個勢真係拍得住當年嘅衛蘭師姐！不過今次話晒都係MC第一次正式開紅館騷，任佢平常再牙擦都好，都feel到佢今次真係好大壓力啊！除咗要趕喺演唱會前出多啲新歌，仲要練舞練體能，咁先可以應付到四面台㗎嘛！佢仲劇透今次嘅演唱會嘉賓會請嚟佢心目中嘅男神同女神助陣，大家又估唔估到係邊個呢？
而講到今次嘅演唱會海報，係以爸爸最愛嘅電影《教父》為靈感。雖然好可惜爸爸無辦法到場見證佢努力嘅成果，不過MC話佢永遠都會預留一張飛俾佢最愛嘅爸爸，希望佢喺另一個地方都可以見證佢嘅成功。
