【Viu】余迪偉就艾粒開騷玩過火喺商台開記者招待會，佢指張騷上出佢嗰張相係朋友send畀佢，覺得過份咗，同時亦覺得被開玩笑咗十年、八年都夠，內心一直係介意，又謂身邊有好多朋友受到例如係職場上、性別身份認同嘅欺凌，前度更係受歧視而燒炭自殺，有感而發就出post，除咗為自己發聲，仲係為一眾受到歧視嘅人發聲。
記招前艾粒出道歉post，余迪偉話其實Donald同少爺占噚晚完騷即真誠道歉，所以已經原諒咗佢哋，之後見面都唔會尷尬，又話會繼續係朋友關係，件事亦就此完結。詳盡記招內容，即刻click入足本訪問片。
