【Viu】詹Sir詹瑞文曾經喺訪問度表示想同MIRROR合作，仲點名大讚姜濤最有喜劇天份，其實到依家詹Sir想同鏡仔合作嘅心情依然冇減退，佢仲表示自己可以喺短時間內睇出對方未被發掘嘅潛質，所以相信同12子合作嘅話，可以擦出唔少新火花啊！另外詹Sir自爆拍攝《夜校》嗰陣，曾經提議MC張天賦挑戰演音樂劇之餘，仲分享咗同吳肇軒嘅拍攝趣事添！
而講到佢最近以幕後掌舵人身份，一人兼任沉浸式美食劇場《異世界—捕夢之旅》嘅藝術總監、編劇同導演，詹Sir都話希望演出為香港觀眾帶嚟新鮮感同新體驗同時，亦想借呢個沉浸式劇場表演，吸引外地遊客，形成新嘅文化產業啊。
