【Viu】劉德華喺電影《流浪地球2》中飾演「數碼生命科學家」圖恆宇，原本以為特別演出大約需要拍攝40組，點知最終拍咗50幾組戲，為咗形神俱備，仲特登戴1000度眼鏡，搞到頭都暈埋呀，加上要拍水底戲，都咪話唔辛苦！不過，華仔希望呢個系列長拍長有，亦想身體力行支持中國科幻片嘅發展。雖然佢冇諗過去星際旅行，但都有超級英雄夢，想演「沙人」㗎！
講到角色係爸爸，係咪演得份外投入？華仔自爆那些年試過對小演員唔耐煩，但榮升人父後，耐性自然而然增加咗。佢仲笑認認兩公婆都溺愛女兒，但未至於冇王管，又自爆疫情期間最辛苦係教個女嘅網上功課，笑認阿女嘅英文好過自己！
