【Viu】劉德華噚晚現身科幻片《流浪地球2》首映禮，一蒲頭就令全場嘅「劉太」陷入瘋狂狀態！話晒咁耐冇去公開活動，咁興奮都正常嘅，華仔亦第一時間行埋去「劉太」堆派福利影大合照，仲承諾如果有安排謝票都會出席再見大家！
《流2》內地票房破35億人民幣，飾演科學家嘅華仔笑話要記專業術語好難，而講到每場戲嘅製作，佢直言係從影40年以嚟最大型，所以覺得好新鮮，希望之後有更多科幻題材嘅電影，又透露電影公司有拍《流3》嘅諗法，但就未收到任何消息。問到會唔會同囡囡入場睇？華仔笑話如果囡囡鍾意睇都可以安排。
另外，金像獎同日朝公布提名名單，華仔話未睇晒入圍電影，知道被提名嘅有好友、新演員，個個都有機會攞獎，之單係，佢搞笑話特別對好友偏心，例如係劉青雲、鄭秀文，果然係老友！
