【Viu】「真美」Serrini、Jay Fung馮允謙打扮靚靚出席時裝品牌活動，聽日就同老友Tyson Yoshi開騷嘅Serrini話之後直接full gear咁去搭交通工具綵排，仲搞笑proud of冇人會認得佢。講到早前去台灣開騷收咗唔少教徒，Serrini話下星期再去認識更多音樂人，曾揚言笑話要同許光漢傳緋聞嘅佢，笑話仲想見埋林柏宏等男台星，終極目的係搵佢哋拍MV！
《全民造星V》今日舉行記招，導師之一嘅Jay Fung話有工作未能現身，好戥班參賽者踩台緊張，搞到發惡夢，又自爆內心比表面更嚴厲。佢又乘機邀請Serrini幫拖做客串導師，Serrini笑話其實好驚教人，因為唔係行春風化雨type教學路線，係最放手嘅老師，至理名言係「你得㗎！」、「飲啲暖水就得㗎啦！」袋住呢兩句就天下無敵啦！
