【Viu】由港台主辦嘅「十大中文金曲」 頒獎典禮今日舉行記者會，Joyce鄭欣宜、Jay Fung馮允謙、Gin Lee李幸倪、泳兒同P1X3L等等一眾歌手都有出席！啱啱新加盟英皇嘅Gin Lee，今日孖住同門嘅泳兒一齊現身，原來佢哋兩個私下勁friend，仲諗住嚟緊合作拍Vlog，絕對唔似出邊所講嘅競爭關係，不知幾正能量！
同樣將於3月舉行紅館騷嘅Joyce鄭欣宜、Jay Fung馮允謙，不約異同話進入大直路。擔任《全民造星V》導師嘅Jay Fung大讚參賽者質素高，仲講到有參賽者同古sir撞樣添！問到Joyce想唔想做評判會一會班仔仔？佢話得到邀請都期待參與，支持新血之餘又有好睇嘅畫面！
P1X3L今日又再3減1現身，原來Marco又病咗啊！唔通係因為佢呢排忙住同成班女神拍綜藝而太操勞?連Phoebus同George都勁葡萄咁話佢好福氣啊！佢哋仲預告好快會公布成員Solo嘅好消息添！
