【Viu】「宇宙最強」甄子丹、王君馨、呂良偉、張兆輝等今晚出席《天龍八部之喬峰傳》慈善首映。丹爺今次嘅身份係導演、監製同男主角，佢話希望創造出一個
2023年嘅喬峰，同時又大讚飾演阿紫嘅「影后」劉雅瑟演技出色，亦透露：「喺佢未攞獎前我已經睇中佢演阿紫。」丹爺果然宇宙最有眼光！
而飾演大反派馬夫人康敏嘅君馨，喺戲中都有「啱賀歲檔期」睇嘅情慾戲，佢仲話老公都有嚟現場同佢一齊睇戲，老公好開通完全唔介意。反而抗拒叫爸爸嚟睇戲，「如果爸爸喺度我會怕羞。」講到戲中冇機會俾佢騷功夫，君馨就話「其實第一日開工我已經好面皮厚俾自己打功夫嘅片甄生睇，希望將來有機會再合作。」
