【Viu】由「宇宙最強」甄子丹同黃百鳴聯合監製、丹爺、MC張天賦、吳鎮宇、Chilam張智霖及Locker林家熙等主演嘅電影《誤判》，今晚舉行首映禮，除咗丹爺爸爸都喺片中客串做返爸爸外，丹爺最感動係可以請到「兒時偶像」許冠文同汪明荃助陣，加埋鎮宇同Chilam，簡直係「夢幻組合」！對於畀鎮宇踢爆佢唔收工，丹爺坦言唔想Hea，加上未拍過法律題材，要同子華神嘅《毒舌大狀》比較壓力超大㗎！
至於首次拍動作戲嘅MC，就話「奪命鉸剪腳」比想像中容易，但就未敢挑機丹爺嗰款「凌空奪命鉸剪」喇！Locker聞言即大呻雖然當時為舞台劇操到爆晒肌，但冇機會打鬥同露肉，咦，咁呢排自稱日日操肌嘅MC又點睇呢？佢嘅澳門騷又會唔會請百鳴哥做嘉賓嚟個《記憶棉》世紀合唱呢？想知就睇足本訪問啦！
