【Viu】娛樂圈又有喜事啦！Grace王君馨早兩日宣布佗B好消息後，今日係佢首次現身！着住紅色套裝睡衣、白短背心加腳踏約3吋高踭鞋嘅Grace四肢仍然勁纖幼，果然係得天獨厚！佢透露依家佗B 5個月、預產期係明年5月，到時屋企就會有3隻金牛啦！Grace又指佗B係計劃內，頭3個月有孕吐，暫時幸福重咗17磅，至於上圍升咗幾多cup？佢就怕醜話的確係豐滿咗嘅！
雖然個B仲未出世，但Grace已經預測自己會係一個嚴母，咁老公係咪會縱B？佢笑話老公對男、女應該有別，而佢哋亦啱啱知道性別，不過就大賣關子！小編諗住由問Grace改名方向估算，點知Grace防守意志強勁，話交由四大長老揸fit！但對食方面佢就意志好薄弱啦，成日掛住想食刺身同醬油蟹！
另外，Grace笑話同咁多位姊妹報喜之中，Janice衛蘭係最激動爆喊！咁唔知處女黨班姊妹係咪個個爭住做契媽？佢又係咪會做嘢做到last minute？定係會推job？即刻去片一齊開心share Grace嘅喜悅啦！
