【Viu】哥哥張國榮主演嘅經典電影《霸王別姬》近日推出4k修復版，今日喺香港文化中心舉行首映，唔少哥哥好友嚟到支持，包括呂良偉、楊小娟、胡楓、羅蘭、葉童、黃允財等。
86歲嘅魚毛姐余慕蓮撐住輔助支架到場，雖然瘦咗唔少，但尚算精神。魚毛姐2020年因肺纖維化被送入ICU險死，依家每半年要使7萬幾蚊打一次標靶藥控制病情。魚毛姐仲話月領三千幾傷殘津貼，其餘就靠積蓄過活，日常生活亦由外傭姐姐幫忙，凍嘢辣嘢唔食得，食物更要剪碎先可吞！
而呂良偉就話睇咗好多次《霸王別姬》，大讚哥哥演技好、打牌叻。佢嚟緊就孖謝霆鋒拍劉德華監製嘅新戲，更沾沾動作戲冇難度，不過講揸槍，就差過一男子喎！想知？入嚟睇就足本訪問片啦！
