【Viu】張學友、謝霆鋒、林嘉欣同劉雅瑟等今晚出席電影《海關戰線》首映禮，拉姑仲同「新歡」譚輝智嚟捧阿仔霆鋒場，難得霆鋒笑笑口話唔Mind，場面有趣！首任動作指導嘅霆鋒，大讚學友哥似「影印機」，一點就明；學友就笑言係霆鋒錫住自己啫！講到早前因病取消3場台北演唱會，學友坦承身體麻麻，但好彩之後可以放假休息吓。
對於王菲嘅近照被指打扮激似霆鋒，佢竟然話冇留意對方嘅造型，學友即笑說：「咁大膽嘅你！」呢句真係學友哥先夠膽講呀！
至於林嘉欣就話自己由十幾歲開始，每隔十年先可以同學友合作一次，希望下次唔使等到「50路」，亦唔使再苦戀，可以開花結果！而劉雅瑟就話因為霆鋒要求真打，搞到周身瘀，又笑認有同學友講「細細個就聽佢唱歌」，但喺片場見到歌神唱歌跳舞就怕醜唔敢Join呀！
